Më datë 04.05.2013 në rektoratin e Universitetit ”Trakya”, Edirne, Turqi, Universiteti “Vitrina” nënshkroi dy marrëveshje të reja bashkëpunimi me Universitetin e ”Trakya”, Turqi. Në këtë takim, Universiteti” Vitrina” përfaqësohej nga Themeluesi Z. Edmond Vlashaj, Zv. Rektori Dr. Teki Kurti dhe Zv Rektore Dr. Anisa Subashi. Marrëveshja e bashkëpunimit e programit ” Mevlana” është një arritje shumë domethënëse për studentët dhe stafin e Universitetit Vitrina. Së shpejti do të kemi shkëmbime pedagogësh ndërmjet dy Universiteteve përgjatë gjithë vitit akademik. Gjithashtu u sigurua që një grup prej 50 studentësh nga Fakulteti i Mjeksisë të zhvillojnë praktikat mësimore në fund të muajit qershor. Marrëveshjet e bashkëpunimit midis Universitetit” Vitrina” dhe Universitetit ”Trakya”, Edirne, Turqi vazhdojnë.
Kjo mundëson shërbim të kualifikuar për studentët duke bërë të mundur shkëmbim eksperiencash, njëkohësisht rrisin mundësinë që studentët tanë të konkurojnë bindshëm në tregun e punës.